Umunyamabanga wa Leta muri Minisiteri y'Ubuzima yasabye Abanya-Gakenke kwirinda ibinyobwa bitujuje ubuziranenge
Ku wa 10 Nzeri 2026, Umunyamabanga wa Leta muri Minisiteri y’Ubuzima, Dr. Ivan Butera, yagiriye uruzinduko mu Karere ka Gakenke mu rwego rwo gukurikirana imitangire ya serivisi z’ubuvuzi, by’umwihariko ikoreshwa ry’ikoranabuhanga E-Ubuzima mu kwihutisha no kunoza serivisi.
Arikumwe n’Umuyobozi w’Akarere ka Gakenke, Mukandayisenga Vestine, n’abakozi b’Akarere bashinzwe ubuzima, bayasuye Ikigo Nderabuzima cya Bushoka n’Ibitaro by’Akarere bya Nemba, harebwa uburyo ikoranabuhanga rikoreshwa mu gutanga serivisi z’ubuzima kuva ku rwego rw’Umudugudu kugera ku Bitaro by’Akarere, ndetse n’imbogamizi zikeneweho ubuvugizi.
Mu Murenge wa Kivuruga, Akagari ka Gasiza, Umudugudu wa Nturo, basuye Umujyanama w’Ubuzima, harebwa uko ikoranabuhanga rikoreshwa mu gutanga no gukurikirana serivisi z’ubuzima ku rwego rw’ibanze.
Mu biganiro yagiranye n’abaturage muri Santere ya Gakenke, Dr. Ivan Butera, yabashishikarije kwirinda kunywa, gucuruza no gukwirakwiza ibinyobwa bitujuje ubuziranenge, kubera ingaruka bigira ku buzima. Abaturage kandi bashishikarijwe kwitabira serivisi z’ubuzima no kwishyura umusanzu w’ubwisungane mu kwivuza (Mituweli), binyuze mu bindirimbo bagejejweho n’umuhanzi Intore Tuyisenge.