Menya Akarere ka Gakenke
AHO GAHEREREYE
Akarere ka Gakenke ni kamwe mu Turere dutanu tugize Intara y’Amajyaruguru y’u Rwanda. Akarere ka Gakenke gafite ubuso bungana na 704.06 Km2; Imirenge 19; utugari 97 n’imidugudu 617. Akarere ka Gakenke gatuwe n’Abaturage 365,292 . ubucucike bw’abaturage (Population density) ni 520 kuri Km2 imwe. Abagore 192,692 (52.8%), Abagabo 172,600( 47.2 %).
IMBIBI Z’AKARERE KA GAKENKE
Akarere ka Gakenke gahana imbibi n’Akarere ka Musanze, mu Majyaruguru yako Akarere ka Nyabihu na Ngororero i Burengerazuba, mu Burengerazuba bw’Amajyepfo hari Akarere ka Muhanga, mu Majyepfo gahana imbibe n’Akarere ka Kamonyi, i Burasirazuba bwako hari Akarere ka Rulindo, i Burasirazuba bw’Amajyaruguru hakaba Akarere ka Burera.
Ibiro by'Akarere byubatse mu Murenge wa Gakenke, Akagari ka Rusagara,Umudugudu wa Kabaya kuri latitude 1.38924 na longitude 29.46466.
