Kuri uyu wa gatatu tariki ya 11/05/2022, mu Karere ka Gakenke hatangijwe ubukangurambaga mu kurwanya ruswa n’akarengane mu nzego z’banze.

Umuyobozi w’Akarere ka Gakenke, Bwana Nizeyimana Jean Marie Vianney yatangije mu Murenge wa Muyongwe ubukangurambaga buzamara ukwezi mu Mirenge hagamijwe kurushaho gutanga serivisi nziza no gushishikariza Abayobozi mu nzengo z’ibanze gukemura ibibazo by’abaturage no kurwanya ruswa n’akarengane mu nzego zose.

Umuyobozi w’Akarere ka Gakenke yasabye abayobozi mu nzego z’ibanze kwirinda ibikorwa byose bijyanye na ruswa n’akarengane ndetse no kubirinda abandi.

Mu Murenge wa Kamubuga naho habereye inama yayobowe n’Umunyamabanga Nshingwabikorwa w’Umurenge Bwana Nkurunziza Jean Bosco yagiranye na; Bamutwarasibo, Abakuru b’Imidugudu, Abanyamabanga Nshingwabikorwa b’Utugari tugize Umurenge wa Kamubunga n’abandi bafite aho bahuriye n’umuturage yo kurwanya ruswa n’akarengane.

Gikwerere Patrick