Kimwe n’ahandi hose mu gihugu, kuri uyu wa gatanu tariki ya 16 Ukuboza 2022, mu Karere ka Gakenke hasojwe ukwezi kwahariwe ibikorwa bya Polisi y’igihugu, ku rwego rw’Akarere umuhango wabereye mu Murenge wa Muzo.

Mu Muhango wo gusoza ukwezi kwahariwe ibikorwa bya Polisi mu Karere ka Gakenke, Umurenge wa Muzo hatashwe amazu atanu yubakiwe abatishoboye batagiraga aho kuba, irerero (ECD) riherereye mu Murenge wa Kamubuga n'amashanyarazi akomoka ku mirisire yahawe abaturage bagera kuri 355 mu Mirenge 4 (  Gakenke :73,  Mataba: 88 ,  Cyabingo: 79, Busengo: 115).

Umuyobozi  w’Akarere wungirije Ushinzwe Iterambere ry'Ubukungu, Bwana Niyonsenga Aimé Froicois, yashimye Ubuyobozi bwiza bw'Igihugu cyacu n'ubufatanye na Police mu bikorwa by'iterambere ry’baturage  byiyongera mu gucunga umutekano w’abaturage n'ibyabo, yasobanuriye abaturage ko iyi site ya Kagano mu minsi irimbere izaba ari Umudugudu w'iterambere.

Umuyobozi  w’Akarere wungirije Ushinzwe Iterambere ry'Ubukungu, Bwana Niyonsenga Aimé Froicois yasabye abatujwe mu mudugudu w'Icyitegererezo wa Kagano mu Murenge wa Muzo gufata neza inzu bashikirijwe, kurangwa n'isuku, kwirinda amakimbirane mu muryango bakabana neza.

 Abagenerwabikorwa byabashimishije

Abagenerwabikorwa bubakiwe amazu bashimye Umukuru w'Igihugu cyucu Paul Kagame mu kubakura mu bukene bahozemo, bamushimiye byishi abagezaho harimo amazu abubakiye batagiraga aho kuba, amarerero n'amashanyarazi binyuze mu buyozi bwiza bw'Akarere ku bufatanye na Police y'Igihugu.

Nyiranteguyintwari Ester utuye mu Mudugudu wa Kagano, Akagari ka Mwiyando, Umurenge wa Muzo mu Karere ka G|akenke, yagize ati “ Kuba mbonye inzu ndishimye cyane, ntaho nari mfite ho kuba nyuma y’imyaka 3 mvuye muri Kongo.” Nabaga ndi mu nzu z’abandi mfite umuryango w’abana 4, nshumbitse bambwira ngo mve mu nzu zabo ariko ku bwamahirwe Nyakubahwa Paul Kagame yabonye ko tudashobora kuba hanze yohereza Polisi y’igihugu cyacu kugira ngo ize kutwubakira.

Makuba Jean Marie Vianney ati “ Ibintu nkorewe biranshimishije. Inzu bampaye irimo byose, ibitanda, ibiryamirwa, intebe, ibiryo bitangaje, ibikoresho byinshi n’ibindi.”

Mu Murenge wa Kamubuga hatashwe irerero(ECD) ry'ubatswe na Polisi  kubufatanye n'Akarere ka Gakenke

Gikwerere Patrick