Kuri uyu wa Gatatu tariki ya 12/10/2022, Ku bufatanye bw'Akarere ka Gakenke n'itsinda riturutse muri Kaminuza ya Miguel Hernandez yo muri Espagne riyobowe na Juan Jose Ruiz Martinez na Nyiricyubahiro Musenyeri wa Diyosezi ya Ruhengeri Vincent Harolimana basuye ibikorwa bateramo inkunga i Bitaro bya Nemba.

Icyumba cy'ikoranabuhanga (ICT room) cyatewe inkunga 

Abaturage bo mu Murenge wa Nemba bashyikirijwe inkunga ya  miliyoni  ennye (4,000,000Frw) y'ubwisungane mu kwivuza

Mu bikorwa bateramo inkunga byatashwe uyu munsi mu Karere ka Gakenke harimo icyumba cy'indebe n'ibikoresho byacyo, icyumba cy'ikoranabuhanga(ICT Room). Bakaba batanze inkunga ya miliyoni  ennye (4,000,000Frw) y'ubwisungane mu kwivuza ku baturage batishoboye bo mu Murenge wa Nemba.

Umuyobozi w'Akarere ka Gakenke Bwana Nizeyimana Jean Marie Vianney yashimiye ubufatanye bwa Kaminuza ya Miguel Hernandez n'Ibitaro bya Nemba cyane cyane mu bikorwa bakoze mu kubaka icyumba cy'indembe, icy'ababyeyi ndetse n'icy'ikoranabuhanga.

Umuyobozi wa Kamunuza ya Miguel Hernandez yo muri Espagne yashimiye ubufatanye bwa Diyosezi ya Ruhengeri n'Ibitaro bya Nemba ku bikorwa by'Iterambere byagezweho mu buvuzi, Uburezi cyane cyane hubakakwa G.S Nemba ya I ndetse no kuvugurura zimwe mu nyubako z'ibitaro.

Nyiricyubahiro Musenyeri wa Diyosezi ya Ruhengeri Vincent Harolimana yashimiye itsinda riturutse mu Gihugu cya Espagne avuga ko Abayobozi n'abakozi b'ibitaro bya Nemba bafite amahirwe yo kubyaza umusaruro ibikorwa byakozwe.

Itsinda riturutse muri Kaminuza ya Miguel Hernande riyobowe na Juan Jose Ruiz Martinez ryasoje uruzinduko rwabo basura G.S Nemba I aho bishimiye ubufatanye bwiri shuri na Kaminuza yabo. Bifurije abanyeshuri kwiga cyane kandi bagatsinda.

Gikwerere B.Patrick