Ingo zisaga ibumbi 75 mu Karere ka Gakenke zoroye amatungo magufi n’amaremare

Akarere ka Gakenke ni kamwe mu Turere tw’u Rwanda dufite abaturage bakora ubuhinzi n’ubworozi, nk’umwuga bakuraho ibitunga imiryango yabo ndetse bagasagurira n’amasoko.

Imibare yo muri Mutarama 2026, igaragza Akarere ka Gakenke gafite ingo 93,609 ziri mu Mirenge 19, aho 80.7% byazo (75,537) ari aborozi b’amatungo magufi n’amaremare, aho boroye inka zirenga ibihumbi 69, ingurube zirenga ibihumbi 38, ihene zirenga ibihumbi 35, intama zirenga ibihumbi 17 n’inkoko zirenga ibihumbi 130 n'ayandi.

Umurenge wa Busengo niwo woroye inka nyinshi, ubarurwamo inka 4547, ugakurikirwa n’uwa Rushashi woroye inka 4362.

Mu bworozi bw’ihene, Umurenge wa Ruli niwo ufite ihene nyinshi zisaga 3629, ugakurikirwa n’uwa Coko 3352.

Mu bworozi bw’ingurube, Umurenge wa Rusasa niwo woroye nyinshi, aho habarurwa 5601 ugakurikirwa n’uwa Cyabingo ufite ingurube 4253.

Mu bworozi bw’inkoko, Umurenge wa Gakenke niwo uza imbere aho ubarurwamo inkoko 63393 ugakurikirwa n’umurenge wa Gashenyi woroye inkoko 11268.

Mu Karere habarurwa:

Amakusanyirizo y’amata 6, yakira Litiro 12700 ku munsi

Ikusanyirizo ry’amagi, ryakira asaga 60,000 ku munsi

Amabagiro y’ingurube abiri, atanga inyama izisaga 1,000Kg ku munsi

Ibagiro ry’inka rimwe, ritanga inyama zisaga 4,000Kg ku munsi

Akarere ka Gakenke ni kamwe mu Turere dutanu tugize Intara y’Amajyaruguru y’u Rwanda. Gatuwe n’Abaturage 389 110, muri bo, Abagore ni 196, 512 (50.5%), Abagabo ni 192,598 (49.5 %).