Kuri uyu wa Gatanu tariki ya 11 Kanama 2023, Umuyobozi w'Akarere ka Gakenke w'agateganyo Bwana Niyonsenga Aimé François ari kumwe na Secretary w'Inama Njyanama y'Akarere ka Gakenke Madamu Ndacyayisenga Scholastique, Umuyobozi w'Akarere wungirije ushinzwe Imibereho Myiza y'abaturage Madamu Uwamahoro Marie Thérèse, Inzego z’Umutekano yasoje Imurikabikorwa (Open Day) yateguwe k'ubufanye bwa JADF Terimbere Gakenke n'Akarere ka Gakenke. Iki gikorwa cyahujwe no kwizihiza umunsi Mpuzamahanga w'Amakoperative 2023 mu Karere ka Gakenke.

Umuyobozi w'Akarere w'Agateganyo, Bwana Niyonsenga Aimé François yashimiye Abafatanyabikorwa uruhare rwabo mu guhindura imyumvire y'abaturage aho Akarere ka Gakenke kaza ku mwanya wa mbere mugutanga ubwisungane mu kwivuza 2023-2024 ndetse bakanishimira imitangire ya serivisi.

Muri iri murikabikorwa, Umuyobozi w'Akarere wungirije ushinzwe Imibereho Myiza y'abaturage, Madamu Uwamahoro Marie Thérèse  yatanze ikiganiro kijyanye n'usuku n'isukura ku nsanganyamatsiko igira iti " Isuku hose ihera kuri njye".Ashishikariza abaturage kwimakaza umuco w'isuku.

Imurikabikorwa ryitabiriwe n'abafatanyabikorwa b'Akarere, Abakozi bakorera ku Biro by'Akarere n'abaturage b'Akarere ka Gakenke.

Muri iri murikabikorwa hamuritswe ibikorwa bitandukanye birimo ibiribwa.

Abafatanyabikorwa b’Akarere ka Gakenke bitabiriye iri murikabikorwa bashikirijwe certificat.