Ku wa 20 Gicurasi 2025, mu Mirenge itandukanye y’Akarere ka Gakenke habaye ibirori byo kwizihiza Umunsi wahariwe gahunda Mbonezamikurire y'Abana bato, hazirikanwa insanganyamatsiko igira iti "KIBONDO URI MU BIGANZA BYANJYE NTA GWINGIRA". 

Ku rwego rw'Akarere, ibirori byabereye mu Murenge wa #Mugunga, aho byari byitabiriwe na Umuyobozi w'Akarere wungirije ushinzwe imibereho myiza y'abaturage, Madame Uwamahoro Marie Thérèse arikumwe n’Impuguke mu gutegura abana gutangira ishuri mu kigo cy'Igihugu Gishinzwe Imikurire no Kurengera Umwana, Liyatona Ernest Andrew, abafatanyabikorwa b'Akarere muri gahunda zo kwita ku mwana, inzego z'umutekano n'abaturage muri rusange.

Bimwe mu bikorwa byakozwe:

●Ibiganiro ku kurwanya imirire mibi n'ingwingire

●Gutegura no kugaburira abana indyo yuzuye

●Kugaragaza ibyakozwe mu Cyumweru cyahariwe gahunda mbonezamikurire

●Gusura amarerero

●Gushishikariza ababyeyi kugira uruhare muri gahunda mbonezamikurire

Umuyobozi w'Akarere wungirije ushinzwe imibereho myiza y'abaturage, Madame Uwamahoro Marie Thérèse, yasabye ababyeyi kujyana abana bose mu marerero no kugira uruhare mu gushyigikira imyigire y’abana