GAKENKE: HIZIHIJWE UMUNSI MPUZAMAHANGA W’UMURIMO, HASHIMIRWA UWABAYE INDASHYIKIRWA
Ku wa 01 Gicurasi 2025, Akarere ka Gakenke kifatanyije n’Isi yose mu birori byo kwizihiza Umunsi Mpuzamahanga w'Umurimo wari ufite insanganyamatsiko igira iti “Ihangwa ry’Umurimo, Intego Dusangiye.”
Ibirori byabimburiwe n'ibiganiro byabereye mu cyumba cy'inama cy'Akarere aho Umuyobozi w'Akarere, Madame Mukandayisenga Vestine, yashimiye abakozi muri rusange ku bwitange n’umurava bagaragaje mu kazi, bigafasha Akarere gukomeza kwesa imihigo.
Ibikorwa by'ingenzi byaranze iki gikorwa:
●Ikiganiro ku myitwarire mbonezamurimo n’ikwiye kuranga umukozi muri rusange
●Gushimira abakozi bakora inshingano zabo neza, aho ku rwego rw'Akarere umukozi w'indashyikirwa washimiwe ari NIYINDORERA WILSON, Road development Engineer.
Ibiganiro byakurikiwe n'imikino ihuza abakozi bakorera ku Biro by'Akarere n'ab'Ibitaro bya Nemba.
Umukino w’amaguru (Football) warangiye ari 0-0 naho uw’amaboko (Basketball) urangira ikipe y'Akarere itsinze ikipe y'Ibitaro bya Nemba amanota 20-16.
Ibirori byasojwe n'ubusabane n'imyidagaduro hagati y'abakozi b'impande zombi.
