Ku wa 15 Ukwakira 2025, Mu Mirenge itandukanye y'Akarere ka Gakenke habereye ibirori byo kwizihiza Umunsi Mpuzamahanga w'Umugore wo mu Cyaro, ku rwego rw'Akarere ka Gakenke, ukaba wabere mu Murenge wa Kamubuga hazirikanwa Insanganyamatsiko igira iti, "Umugore ni uw'agaciro".

Ibirorri Byitabiriwe n'Umunyamabanga Nshingwabikorwa w'Intara y'Amajyaruguru, Umuyobozi w'Akarere, abahagarariye inzego z'umutekano n'ibindi byiciro bitandukanye.

Ubutumwa bwatanzwe bwagarutse ku ruhare rw'umugore wo mu cyaro mu iterambere ry'umuryango n'Igihugu muri rusange, inzitizi zibuza umugore wo mu cyaro kubyaza umusaruro amahirwe ahari ndetse barebera hamwe icyakorwa kugira ngo umugore wo mu cyaro ajyane n'icyerekezo cy'Igihugu, arusheho gutera imbere.

Hanashimiwe abagore bagaragaje ibikorwa by'indashyikirwa, aho baremewe amatungo magufi n'amaremare.