Ku wa 13Mata 2025, Mu Murenge wa Muzo habereye igikorwa cyo #kwibuka31, Abatutsi bishwe bajugunywe mu migezi ya Nyabarongo na Mukungwa, muri Jenoside yakorewe Abatutsi, cyitabirwa n'abarimo Guverineri w’Intara y’Amajyarugu Bwana Mugabowagahunde Maurice.

Iki gikorwa cyanitabiriwe n'imiryango ifite abayo bazize Jenoside yakorewe Abatutsi, bajugunywe muri iyo migezi, inzego z'umutekano n'intumwa z’Akarere ka Muhanga, cyabanjirijwe no kunamira Abatutsi bishwe bajugunywemo no gushyira indabo mu Mugezi wa Nyabarongo, ku Kiraro cya Muvumba.

Hatanzwe ubutumwa bwihanganisha abarokotse Jenoside yakorewe Abatutsi, by'umwihariko abafite ababo bishwe bajugunywe mu migezi.

Sura X (Twitter) urebe andi mafoto

Abitabiriye kandi basabwe kwirinda ingengabitekerezo ya Jenoside n'abagoreka amateka, Kwimakaza ubumwe n'Ubwiyunge by'Abanyarwanda.

Mu buhamya yatanze, Mukanyana Justine, yagarutse ku byamubayeho we n’abandi batutsi bari batuye muri ako gace, bishwe bajugunywa mu migezi, asaba abafite amakuru y’ahajugunywe imibiri kuyatanga igashyingurwa mu cyubahiro.

Umuyobozi w’Akarere, Mukandayisenga Vestine, yagarutse ku mpamvu Abanyarwanda Twibuka Jenoside yakorewe Abatutsi zirimo kugira ngo tuzirikane ububi bwa Jenoside, hafatwe ingamba zo kugira ngo itazongera kubaho ukundi, guha agaciro abazize Jenoside yakorewe Abatutsi no gusigasira no kuzirikana amateka.

Guverineri w’Intara y’Amajyaruguru yihanganishije abafite ababo bishwe bajugunywe mu migezi ya Mukungwa, Nyabarongo na Base n’abarokotse Jenoside yakorewe Abatutsi muri rusange, asaba abantu bafite amakuru y’ahajugunywe imibiri y’abazize Jenoside yakorewe Abatutsi kuyatanga kugira ngo ishyingurwe mu cyubahiro.

Sura X (Twitter) urebe andi mafoto