Kuri uyu wa 07 Werurwe 2025, Umuyobozi w'Akarere, Madame Mukandayisenga Vestine yahaye ikaze itsinda ry'Abadepite mu Nteko Ishinga Amategeko y’u Rwanda barimo  Hon Depite NIZEYIMANA Pie, Hon Depite MUKANDANGA Speciose na Hon Depite Mazimpaka Jean Claude bari baje gutanga ibiganiro bijyanye n’imyiteguro y’umunsi mpuzamahanga wahariwe Umugore uzaba ku wa 08/03/2025.

Ibi biganiro byateguwe n’Ihuriro ry'Abanyarwandakazi bari mu Nteko Ishinga Amategeko y’u Rwanda, byitabiriwe n’abagize Komite Nyobozi, uhagarariye Inama Njyanama, Umunyamabanga Nshingwabikorwa Akarere, Umuyobozi w’imirimo rusange mu Karere, Abanyamabanga Nshingwabikorwa b’Imirenge, Abahagarariye urubyiruko, amadini n’amatorero n’abandi batumirwa. Baganiriye, banungurana ibitekerezo ku:

●Imbogamizi n’uruhare rw'Umugore mu iterambere,

●Uruhare rw'Urubyiruko mu iterambere

●Kurwanya ingengabitekerezo ya Jenoside

●Kunyomoza abavuga nabi amateka n'ubuyobozi bw'Igihugu

●Ibibazo byugarije urubyiruko n'umuryango muri rusange birimo kubatwa n'imbuga nkoranyambaga, ubusinzi, gushaka gukira vuba, Gusesagura n’ibindi

●Ibiranga umuryango utekanye

●Guhanga udushya

●Kubyaza amahirwe Politiki idaheza n'andi mahirwe Ubuyobozi bw’Igihugu butanga.

Mu ijambo rye, Umuyobozi w’Akarere, Madame Mukandayisenga Vestine yasabye ko kwizihiza umunsi mpuzamahanga w’umugore bikwiye kurangwa n’ibyishimo by’umuryango. 

Ati “Muzareke abagore bsihime, umunsi mpuzamahanga w’umugore si uwo kubwira umugabo ngo nagende guteka, si uwo kubona amafoto (Yahinduwe) y'abagabo bahetse abana ni umunsi w’ibyishimo by’umuryango wose.”