Kuva tariki ya 09-12/08/2022, Abakozi bo mu ishami ry'Iterambere ry'ishoramari n'Umurimo, Umukozi ushinzwe Imisoro mu Karere ndetse n'Abakozi b'Imirenge bafite inshingano zo guteza imibere ishoramari, umurimo no gukurikirana gahunda ya EjoHeza mu Mirenge igize Akarere ka Gakenke bari mu mwiherero w'iminsi 4 wabereye mu Karere ka Musanze barebera hamwe gahunda ya EjoHeza na Gahunda z’iterambere ry'ishoramari n’umurimo mu Karere ka Gakenke.

Umuyobozi w'Akarere ka Gakenke Bwana Nizeyimana Jean Marie Vianney yasabye abitabiriye umwiherero gufata ingamba zose zishoboka mu rwego rwo kwesa umuhigo wa EjoHeza muri uyu mwaka 2022/2023 ,gushishikariza urubyiruko kwizigamira, ndetse no kwesa imihigo y'iterambere ry'Ishoramari n'umurimo mu Karere ka Gakenke.

Ntawinanirwa Aaron, Umukozi ushinzwe ishoramari,ubucuruzi n’umurimo mu Murenge wa Kamubuga avuga ko biyemeje kwegera abaturage byumwihariko urubyiruko, ibigo by’amashuri, muri Compassion n’ahandi kugira ngo bashishishikarizwe kwitabira gahunda ya EjoHeza.

Yakomeje avuga ko muri gahunda yo guteza imbere umurimo ati”  Hari amahirwe dufite iwacu ariko tutabyazaga umusaruro, twiyemeje kubyaza amahirwe yose aboneka mu Murenge wa Kamubuga mu byicyiro bitandukanye bashishikarizwa kwihangira umurimo bityo bakiteza imbere”.

Mungwarere Clémence, Umukozi ushinzwe ishoramari,ubucuruzi n’umurimo mu Murenge wa Muhondo avuga ko mu gamba bafashe ari uko bagiye gushyira imbaranga mu gushishikariza ibyicyiro bitandukanye kwitabira gahunda ya EjoHeza, guhanga umurimo, Amakoperative hagamijwe guteza imbere umuturage.

Dusengimana Marie Claire, Umukozi mu Murenge wa Nemba avuga ko ashimira Ubuyobozi bw’Akarere bwabatekerejeho kugira ngo barebere hamwe icyo bakorera abaturage babana nabo umunsi ku munsi mu rwego rwo kubabasha kwiteza imbere mu buzima bwabo bwa buri munsi, haba muri gahunda ya EjoHeza, guhanga umurimo ndetse no kwibumbira mu ma Koperative.

Aya mahugurwa yitabiriwe n'Abakozi bo mu ishami ry'Iterambere ry'ishoramari n'Umurimo, Umuyobozi w’Ishami ry’Imari, Umukozi ushinzwe Imisoro n’amahoro mu Karere ndetse n'Abakozi b'Imirenge bafite inshingano zo guteza imibere ishoramari, umurimo no gukurikirana gahunda ya EjoHeza mu Mirenge igize Akarere ka Gakenke.

Gikwerere Patrick