Kuri uyu wa Kabiri tariki ya 21/11/2023, Umuyobozi w'Akarere wungirije ushinzwe Imibereho Myiza y'abaturage Madamu Uwamahoro Marie Thérèse yasuye ishuri ry'inshuke (ECD) "Stars of tomorrow" mu rwego rwo kureba imyigire n'imyigishirize muri iri shuri. Iri shuri rihereye mu Kagari ka Musenyi mu Murenge wa Muhondo rifite abanyeshuri 54, muri bo 10 bafite ubumuga butandukanye.

Iri shuri rifite abarimu 5, basabwe gukomeza gukirikirana imibereho yabo kw'ishuri no mu miryango batahamo ndetse no gushishikariza ababyeyi babo kubabonera ifunguro ryuzuye mu rwego rwo gukomeza kurwanya imirire mibi.

Umuyobozi w'Akarere wungirije ushinzwe Imibereho Myiza y'abaturage, yasuye kandi ubworozi bw'inka zikamirwa aba banyeshiuri muri icyo kigo n'ubwinkoko zitanga amagi mu rwego rwo kurwanya imirire mibi.